Coñecendo a diversidade galega!

Hoxe o alumnado de bioloxía e xeoloxía de 1BAC e 4ESO asistiron a unha charla sobre a diversidade biolóxica e xeolóxica, da mán do biólogo Justo Veloso.

Na charla resaltou a importancia dos numerosos Parques Naturais galegos, moitos deles na nosa provincia, peculiaridades xeolóxicas e biolóxicas da paisaxe galega. Paisaxes fluviais, glaciares, endemismos, soutos, impactos humanos, castiñeiros milenarios... foron algúns dos temas tratados.
No remate Justo Veloso, resalta unha idea primordial a concienciación que temos que ter todos para coidar do noso entorno, así coma valorar e protexer as especies autóctonas galegas.

Coñecendo a Alfred Wegener nun minuto de ciencia!

Continuamos ca nova tarefa de Ciencia Activa deste curso: Un minuto de ciencia!
A continuación vemos un resumo das ideas básicas da Deriva Continental de Alfred Wegener, precursora da Tectónica de Placas. 
Esta interesante animación foi realizada por Valeria Zapata de 4º da ESO. 

Non deixes de vela é fantástica:

A exposición da Obra Social ”a Caixa”: 

O Ártico rompe,  ten por obxecto mostrar a singularidade dos ecosistemas do Polo norte, detallando o importante papel que xogan no clima global, así como as súas características físicas e a súa biodiversidade. E todo iso, a través dun centenar de impactantes fotografías dun dos máis prestixiosos fotógrafos de natureza, Andoni Canela. As instantáneas deste vasto, inhóspito e impresionante territorio, realizadas expresamente para a mostra, permiten aos visitantes percorrer os 200 metros cadrados que ocupa a exposición.

O alumnado de 4º da ESO disfrutou este luns día 5 de novembro dunha visita guiada polo Ártico! Aprendendo curiosidades e características destes ecosistemas do polo Norte e dos seus habitantes.

A exposición preséntase dividida en catro ámbitos: 

• O clima ártico
• A vida nunha situación extrema
• A pegada humana
• As luces do norte.


No seu interior será posible descubrir, por exemplo, por que non se conxelan as patas dos animais, ou se o oso polar é en realidade branco, ademais de escoitar un conto inuit- yupik, música sami e unha infinidade de cousas máis que achegarán aos visitantes ao Ártico.

Moi interesante a visita a exposición sobre o Ártico, foi unha clase de bioloxía e xeoloxía diferente!

Novo proxecto na aula de 4º da ESO A: Ecoaula!

            Que é Ecoaula?
O alumnado de 4º da ESO A e a súa titora comprométense no coidado do medioambiente, cun xesto tan sinxelo coma a recollida selectiva de papeis e cartóns.

Na sesión de titoría do día 22 de outubro forraron unha caixa con papel de charol e fixeron unhas letras de goma eva, para nela tirar os papeis.
Moi importante:
                     Papeis sen engurrar!



O coidado do medioambiente é necesario, os bosques, as árbores e plantas... son os pulmóns do noso planeta.
Como podemos aportar un pequeno gran de area dende a aula? Pois é doado, os papeis que xa empregamos e non necesitamos os recollemos porque pódense reciclar!

KHADY pega o papel na caixa!

SANDRA recorta as letras

CLARA E ADRI cortan e encolan letras

SHAKIRA recorta!

VALERIA e KHADY rematan a nova papeleira!

NON TE PERDAS ALGÚNS CONSELLOS PARA COIDAR O MEDIOAMBIENTE, A A IMPORTANCIA DE APROVEITAR OS PAPEIS E CARTÓNS:

Actividades prácticas, por cal empezas?

A que estás esperando? Elixe e actívate!

 

Criterios de cualificación para as actividades prácticas dende a materia de bioloxía e xeoloxía. Para puntuar ata un máximo de tres puntos e poder sumalos á proba escrita.. Podes elexir as actividades que farás, para poder sumalas ás puntuacións de cada control escrito:

• Animacións "Un minuto de Ciencia"-----------------máx.2 puntos
• Vídeos------------------------------------------------ máx. 2 puntos
• Presentacións Google drive ou power point---------máx.2 puntos
• Infografías------------------------------------------- máx. 2 puntos
• Murales interactivos--------------------------------- máx.  2 puntos
• Art Ciencia Activa------------------------------------ máx. 2 puntos
• Entrada no blog-------------------------------------  máx. 1 punto
• Podcast----------------------------------------------- máx. 1 punto
• Actitude e caderno----------------------------------- máx. 1 punto

Lembrade facer calquer dúbida que poda xurdir!!

Novo proxecto no curso 2018- 2019 en Ciencia Activa!

Autor do logo: Carlos 1º BAC

Un minuto de Ciencia!
Unha nova tarefa neste curso que comeza! Tes un minuto? Espera un minuto! Un minuto... son algunhas expresións que empregamos a diario todos nós, poi agora "nun minuto" saberedes en que consiste a nova tarefa do proxecto Ciencia Activa.
O alumnado de BAC e ESO poderán participar nesta actividade na que en parellas elaborarán unha animación adicada a unha científica ou a un científico a as súas achegas de ciencia, para eso empregaranse aplicacións coma Powtoon u outras.
 Unhas animacións creadas por eles mesmos, cas ideas que queren destacar, incluíndo as súas voces na explicación e dun xeito breve, dinámico e intelixente conseguir un canal de animación científica escolar. Terán que sintetizar a esencia do científic@ nun minuto, si, un minuto de ciencia!

Cómo organizar esta tarefa, pautas a seguir:

1. Constituir o equipo de traballo (parellas de alumnos).
2. A continuación elexir persoaxe científico.
3. Documentarse sobre a vida e achegas do científico elexido.
4. E o máis importante e complicado: Elexir en equipo a información que queremos contar nun só minuto!Moi importante desenvolver o pensamento crítico e a capacidade de síntese para seleccionar a información relevante que queremos mostrar nun minuto de ciencia! 
5. Seleccionar a App que vamos a empregar e... a xogar creando! Pondo texto, debuxos e audios elexidos polos autores.
6. Lembrar que as animacións servirán para que outros escolares aprendan nun minuto do voso traballo!

Os primeiros equipos xa están feitos e co científico/a elexido:

• Ángel e A. Gallego adicarán a animación a Alexander Fleming.
• Andrea e Nerea diseñarán unha animación sobre Marie Curie.
• Raúl e Carlos o farán de Einstein.
• Valentina e Gema estudiarán a Valentina Tereshkova.
• Axel e Andrés farán a animación sobre Stephen Hawking.

Desexando ver os vosos traballos a partir do 15 de outubro comezaremos a publicalos.
Parabéns a tod@s de antemano porque seguro o faredes moi ben!

Os blogs do alumnado de Ciencia Activa xa en marcha!

No novo curso 2018- 2019 retomamos a actividade nos blogs do Proxecto Ciencia Activa e Ciencia Activa, ESO é! do colexio Plurilingüe Padre Feijoo- Zorelle. O alumnado de 1º BAC comeza xestionando o blog de bacharelato, e o fan coa experiencia adquirida por moitos deles no curso anterior. No caso dos alumnos e alumnas de 4º da ESO A é unha experiencia nova que inician con moita ilusión. Podedes ver os seus primeiros post:
Novos contribuíntes de Khady de 4º A e "A inmunoterapia contra o cancro" de Adriana de 4º A.

4º ESO A xestores do Blog da ESO

No blog de alumnos de BAC xa podedes ver os post deste inicio de curso adicados a comentar os Premios Nobel de Física e Química:
"Domadores da evolución" de Gigi de 1º BAC
"Os magos do láser" Nobel de física de Adriana Artos 2º BAC

1º BAC do Proxecto Ciencia Activa

Parabéns e moita sorte a tod@s neste novo curso!