Actividades prácticas Ciencia Activa: Actívate!

A que estás esperando? 
Elixe e actívate!

Criterios de cualificación para as actividades prácticas dende a materia de bioloxía e xeoloxía. Para puntuar ata un máximo de tres puntos e poder sumalos á proba escrita.. Podes elexir as actividades que farás, para poder sumalas ás puntuacións de cada control escrito:

• Animacións "Un minuto de Ciencia"-----------------máx.2 puntos
• Vídeos------------------------------------------------ máx. 2 puntos
• Presentacións Google drive ou power point---------máx.2 puntos
• Actividades interactivas en Educaplay---------------máx. 2 puntos
• Infografías------------------------------------------- máx. 2 puntos
• Murales interactivos--------------------------------- máx.  2 puntos
• Art Ciencia Activa------------------------------------ máx. 2 puntos
• Entrada no blog-------------------------------------  máx. 1 punto
• Podcast----------------------------------------------- máx. 1 punto
• Actitude e caderno----------------------------------- máx. 1 punto
• Comentarios (max. catro)---------------------------máx. 0,25 puntos

Non esquezas que podes ussar Powtoon, Easelly, Genially, Poodle, Audacity, Vocaroo, Publisher... e outras moitas apps que facilitarán o teu traballo, é moi importante que selecciones o tema sobre o que farás a actividade e sempre relacionado ca materia de bioloxía e xeoloxía. Lembra que os vosos traballos se compartirán nas redes do Proxecto Ciencia Activa, síntete orgulloso do teu traballo! Empreguemos as redes sociais con fíns educativos!
 
* Ao longo do curso tamén ponderarán as participacións dende Ciencia Activa en diferentes proxectos de centro coma o Festival do Libro, Postcrossing, Euroescola, E-twining e outros.

Lembrade preguntar calquer dúbida que poda xurdir!!

Benvida ao curso 2019- 2020!

O Colexio Padre Feijoo- Zorelle, abre as portas a todo o alumnado de secundaria e bacharelato para o inicio do curso académico 2019- 2020. Benvid@s!
Neste primeiro día de colexio que comezamos con moita ilusión, reencontros entre novos e vellos amigos, sorrisos e moitas emocións ante esta aventura que iniciamos todos xuntos.  

As aulas están preparadas... pero valeiras, hoxe 16 de setembro encherémolas!

Dende este blog como profe de Bioloxía e Xeoloxía en 3º,4º ESO, 1º e 2º BAC e coordinadora do Proxecto Ciencia activa comunicarei as actividades, proxectos e planificacións do curso nas materias que imparto.

O Proxecto Ciencia Activa, continúa neste novo curso cheo de actividades para plantexar dúbidas e axudar ao desenvolvemento do pensamento crítico, indagando sobre novas científicas e intentando aprender empregando os nosos blogs de alumnos de ESO e BAC.

O alumnado de 4º de ESO A, serán os contribuíntes do blog: "Ciencia Activa, ESO é!, e pouco a pouco aprenderán a facer entradas no blog, audios, vídeos, podcast...e moitas máis actividades! O alumnado de 1º e 2º de BAC xestionarán o blog: "Proxecto Ciencia Activa".
                    

Deséxovos un feliz, científico e activo curso!

Obxectivo: acadar o ÉXITO!!!

O baile da mitose!

Este curso en 4º ESO académicas, estivemos estudiando a mitose dun xeito diferente, xa que estudiaron a letra dunha canción que explica o proceso, deseñaron unha coreografía e a bailaron.

                    

Cada estudiante formaba parte dunha célula animal, a membrana plasmática eran varios alumnos unidos por telas amarelas, e no interior outro grupo era, con telas de cor laranxa, a membrana nuclear, no seu interior o ADN en forma de cromatina. Ao longo da canción vanse modificando as estructuras, desparecen a membrana nuclear, o nucleolo e aparecen os cromosomas. Pasando polas fases de: profase, metafase , anafase e telofase ata conseguir dúas células fillas iguais entre sí e a célula nai da que proveñen.

A letra da canción atopárona os estudiantes en youtube, gravaron de novo a canción interpretada por Adriana Rodriguez, Shakira Villamarín, Sandra Delgado, Elena Dameá, Nuria Martín e Valeria Zapata que tamén coordinou os seus compañeiros na coreografía, e Agustín Da Silva que editou o vídeo. Bailan todo o grupo de 4º ESO A coordinados pola profe.

No vídeo vemos uns debuxos animados que representan o proceso de xeito continuo elaborados nunha tablet por Carlos Cuesta estudiante de Ciencia activa- Bac.

                              

Participando no 35 Concurso da Once!

A titoría de 4º ESO A coordinados pola súa titora e axudados polos profesores de física e música, están a preparar a súa participación nunha nova edición do Concurso da Once. Este ano adicado ao recreo, sí ao recreo! Ese espazo de horario lectivo adicado a o tempo de lecer!
 O lema da trinta e cinco edición é "Por mi y por todos mis compañeros", por un recreo inclusivo!

CONCURSO ONCE

Na categoría de secundaria consiste na elaboración dun videoclip dun minuto de duración, no que se inclúa un tema musical gravado polo grupo participante.
Pasos a realizar:

• Choiva de ideas e frases para elaboración da letra da canción en dúas sesións de titorías
• Gravación de secuencias que se queren representar coordinados pola titora.
• Selección e descarga da base musical da web da Once nunha sesión de titoría.
• Encaixar a letra na base musical coordinados pola profe.
• Consultar co profe de música para mellorar a nosa canción.
• Gravación da canción con audacity cas voces dun grupo de alumn@s da clase e inserción da base musical.
• Encadear as secuencias nun vídeo dun minuto axudados polo profe de física, para comezar a edición.
• Edición final do videoclip por un alumno do grupo, que engadirá efectos e sonido, supervisado pola titora.
• Elaboración do guión explicativo do videoclip pola titoría de 4º ESO A.

Ensayando canción

                           Titoría 4ESO A