Premios "Desmontando ao alcohol: Apúntate unha idea"

Un ano máis o colexio Padre Feijoo participa na entrega de premios do concurso "Desmontando ao alcohol" , convocado pola Concellería de Sanidade do Concello de Ourense. Entre un total de 13 centros escolares participantes e máis de 1000 traballos presentados, o noso colexio acada un total de 7 premios nas diferentes categorías.
Hoxe día 6 de xuño os alumnos e alumnas premiados acompañados polas profesoras Rosa Pérez e Beatriz Temes acudiron ao salón de plenos do Concello a recoller os premios, podemos ver uns instantes neste video de Telemiño: VIDEO TELEMIÑO
                                                       

PREMIADOS DO COLEXIO AO REMATE O ACTO DE ENTREGA NO CONCELLO

Os premios obtidos son os seguintes:
SLOGAN: 

                 MENCIÓN HONORÍFICA  Ariadna Rodriguez Ruiz 1º ESO por "Dona botella é mala parella"

IMAXE: 

               PRIMER PREMIO Lauro Kavan Locatelli 2º ESO

MICRORRELATO:

                 MENCIÓN HONORÍFICA Gema Da Rocha 3ºESO

CLIPMETRAXE:

                  PRIMER PREMIO xurado: Gema Da Rocha 3º ESO e Carlos Cuesta 3º ESO  por "As nosas ideas" . 
(Participa no vídeo a clase de 3º ESO A coordinados dende a materia de bioloxía)

                 

             ACCÉSIT: Soraya Antelo Gómes 2º ESO por "Pataquín e Patacón no Botellón"

                 
                     ACCÉSIT: Yanelfi Lavandier 2ºESO  por "Bebe as horas...sen alcohol"

               
                   MENCIÓN HONORÍFICA: Ledicia Blanco 4ºESO A e Leandro Bernárdez  4º ESO A por "Nós mesmos sen alcohol" (Participa titoría de 4º ESO A)

         Noraboa a todos son uns traballos magníficos! Parabéns!

                                                       

5 de xuño Día Mundial do Medio Ambiente

               
                                  "Conectar as persoas ca Natureza"
Este é o lema do Día Mundial do Medio Ambiente neste 2017, xa que se entende que é preciso recuperar a conexión co medio ambiente. A importancia da Natureza e o medio ambiente na vida das persoas é esencial, xa que por moito que avance a ciencia e a tecnoloxía, temos que lembrar que precisamos do medio natural.
O Día Mundial do Medio Ambiente ten cada ano un país anfitrión diferente e, en 2017, ese país é Canadá.
Trátase dun dos países do planeta cunha maior riqueza natural, especialmente forestal, onde destacan os seus parques naturais. Co obxectivo de promover o coñecemento e goce destes espazos naturais, o país está levando a cabo actos encamiñados a concienciar e fomentar o respecto deses santuarios naturais.

Neste vídeo o actor Morgan Freeman explica como podemos combatir entre todos o cambio climático:

   

Teatro e ciencia no IV Festival do Libro!

TODO O PÚBLICO ATENTÍSIMO!

"Aventuras científicas" un proxecto da materia de cultura científica para o Festival do libro do noso colexio. Os estudiantes do proxecto Ciencia Activa bac levan a cabo por segunda vez esta iniciativa coordinados pola profesora de bioloxía. O resto do alumnado de secundaria do colexio espectantes desexan ver aos compañeiros de 1º bac interpretar con humor feitos destacados da ciencia ao longo da historia, un bo xeito de aprender e divertirse.

O GRUPO DE DARWIN ACTUANDO!

Aventuras científicas precisa de moito tempo de preparación xa que consta de varios procesos:

1. Elección dos científicos por grupos.
2. Quen son os presentadores?
3. Escribimos unha letra para unha canción que faga de presentación das nosas Aventuras Científicas
4. Inventamos e ensaiamos unha coreografía para presentar o teatro.
5. Labor de investigación sobre a vida e experimentos dos científicos elexidos.
6. Posta en común sobre os datos mais relevantes e curiosidades que queremos destacar dos científicos.
7. Comezamos a pensar na posta en escea e os diálogos sobre as representacións teatrais.
8. Escribimos os diálogos dos narradores e dos intérpretes das nosas pequenas aventuras científicas.
9. Apuntamos todo o material que precisamos para a posta en escena, e vestimentas para cada actor. (Aproveitamos complementos e accesorios do entroido)
10. Practicamos as obras teatrais durante o mes de marzo e representámolas no IV Festival do libro no mes de abril.

CELEBRANDO AO REMATE DAS REPRESENTACIÓN

Neste vídeo vedes un resumo das fotos que recollen algúns dos momentos de "Aventuras Científicas", foi fantástico! Todo o público moi atento e desexando máis das nosa aventuras...pero terán que esperar  á V Edición do Festival! 

Microrrelatos científicos na IV Edición do Festival do libro!

Que é un microrrelato científico? 
É un texto curto onde cóntase algo empregando terminoloxía de ciencias (con termos de bioloxía, matemáticas, física, química, ou xeoloxía).
O importante é que sexan inéditos, e os autores deixen voar a imaxinación xa que a temática é libre, e todos os alumnos e alumnas poden ser moi creativos!
Os seleccionados neste IV Festival do Libro foron expostos nun mural presidido por Gregor Mendel, o pai da xenética, e descubridor das leis que levan o seu nome. Mendel investigou ca planta do chícharo, Pisum sativum, e por iso empregamos cartulinas semellando chícharos amarelos e verdes, sobre as que se pegaron os mellores microrrelatos.

Na selección e corrección dos microrrelatos participaron as profesoras de lingua galega e lingua castelá Carmen García e Sara Perea. Moitas grazas!
noraboa a todos polos relatos científicos e por o traballo colaborativo tan estupendo para a ela boración do mural! Os tres premiados neste IV Festival: "Sueña leyendo", foron: Carlos, Raúl, e Gema de 3º de ESO e dous accesits para David e Alex de 1º Bac, podedes leelos a continuación:

Teatro didáctico e interactivo: #1000likes!

#1000LIKES é un espectáculo de teatro participativo no que un actor e dúas actrices representan un caso de ciberacoso escolar. O obxectivo deste proxecto é que os espectadores participen nun debate para probar ideas e estratexias contra estas situacións.
Os alumnos de 3º de ESO asistiron no mes de abril no Auditorio a esta representación teatral onde de xeito interactivo cos seus móviles poideron interactuar e cas súas conversas solucionar a problemática que plasmaba a obra de teatro.
Os alumnos e alumnas do colexio xunto a estudiantes doutros centros disfrutaron dunha obra de teatro divertida pero ademáis moi didáctica, que os fixo reflexionar sobre as conductas nas redes e lles fixo traballar na empatía cos compañeiros. Así eles mesmos identificaron as conductas inapropiadas de cada persoaxe e poideron modificar diálogos e cambiar o desenlace da obra.

III Concurso de Microrrelatos Científicos

Que é un microrrelato científico? É un texto curto onde contas algo empregando terminoloxía de ciencias (poden ser termos de bioloxía, matemáticas, física, química, ou xeoloxía).
O importante é que sexa inédito, deixade voar a vosa imaxinación xa que a temática é libre, e todos sabedes ser creativos!. Lembrade: Podedes facer o microrrelato en galego ou castelán, cun máximo de 150 palabras!
A entrega dos microrrelatos está aberta ata o 1 de abril, no correo: beatriz@feijoozorelle.com
A entrega de premios será na clausura do IV Festival do Libro, e os mellores serán expostos nun mural durante a Semana Cultural no mes de abril. 
Podedes ver nestes vídeos os microrrelatos científicos seleccionados nas edicións anteriores:

Concurso de Microrrelatos Científicos - Kizoa Editar Videos - Movie Maker

3 de marzo Día Mundial da Vida Silvestre!

O Día Mundial da Vida Silvestre tamén se celebra coma o Día Mundial da Natureza, o que se pretende é crear conciencia da multitude de beneficios que ten a conservación da flora e fauna salvaxes para a humanidade. Xa que contribúen ao desenvolvemento sostible dende multiples aspectos: ecolóxicos, xenéticos, sociais, científicos, educativos, recreativos e estéticos.


Neste Día Mundial da Vida Silvestre, anímase á participación da xuventude para facer frente aos problemas relacionados coa conservación. A perda do hábitat, cambio climático, o tráfico de especies e a caza furtiva son algúns dos desafíos máis alarmantes que enfrentan as especies hoxe en día.
Neste enlace podemos ver un vídeo sobre o delito contra a flora e fauna silvestres: